في عهد طاب جناني عرفنا الفيزو و البيزو و الميني و البيكيني و السيري و لي بوات دو نوي و التبراح بالملاين و دليلة لمقلشة العاهرة في الشروق تي في و الائمة و
العلماء ربي يجيب الخير
في وقتو عرفنا الايمو و البيمو و صحاب الروك و الهيب هوب و التيكتونيك و افلام الايروتيك ..في وقتو عرفنا البورنو و الايكس و الشعب اصبح جنسي و في وقتو خانت الزوجة
زوجها و خان الزوج زوجته و في وقتو خلعت الزوجة زوجها و في وقتو مارس العشاق الجنس قبل الزواج و في وقتو فسقت المراة و تعرت ع...ن مبادئها بدعوى التحرر و
الديموقراطية و قصة اخرى وين حبيت فخرينا جميعا و فوحنا الدعوة بالخرى و دار بينا الذبان
في عهدو الفتاة شكات بخوها و دخلت باباها للحبس و في عهدو ارفد كرونداري و بوشية و اقتل نوووورمال
في عهدو الزطلة رخيسة على الخبز و الحمرة و الزرقة و الريوفوترين يتباعو شغل كاوكاو
في عهدو الراجل هبط سروالو و دار منقوشة و مد المؤخرة تاعو و حماهم القانون و اصبح الشواذ امثال المنار و عبدو علامة مسجلة و الشعب يحبهم و كانهم ائمة
في عهدو الاسلام اصبح منه الاسم و في عهدو قاري تطلع معاك طفلة تقولها نسهرو تقولك فونس مكاش ماشاريار
في عهدو دارلنا لونساج باش ناكلو لحرام و الربا و يربح هو على ظهرنا مع جماعتو في عوض يبنيلنا لوزينات مدلنا مليار مليار و قالنا اتتهردو
في عهدو سمعنا الراي كاباراي و التطياح في الغناء و نديرله اداداي و نديرله الاح و نبغي المح و يقلعلي و يفعلي نورمال
في عهدو الجامعة ولات ديكي و الطلبة في الحشيش لي يفلورتي يفلورتي و لي يعض يعض و اضعف الايمان شايد يدها و شايدة يدو
في عهدو استاذ جامعة يزيدلها نقطة تروح معاه لدارو و الطفل زوج ملاين و نتا خرجت عامك
في عهدو 35 الف حالة طلاق سنويا و الشباب ما راهش يتزوج بسبب الغلاء
في عهدو فقط لي ما دارش بذراعو كلاه بوبي و ما تتكلش على الدولة باسكو شعارهم الاول و الاخير تدو الشعاعير
في عهدو وزراء خرجو من الغرقة و دارو ثروات طائلة بفضل لي زافار و ليس الشهرية
و في عهدو اصحاب المال و الاعمال ما يخلصوش ليزامبو و لاطاكس و ما يديدوانيوش السلعة والزوالي عندو ماروتي يخلص لافينيات
في عهدو تروح التريسيتي و الماء و الغاز و حيدرة ما تروحلهاش ؟؟
في عهدو كلينا لحم لحمار و ضربنا البطاطا تاع لحلالف تاع كندا
في عهدو تخرج من الدار على السابعة صباحا تلحق للخدمة على الحادية عشر و لعشية غير شوف قهوة ريح فيها حتى تفرغ الطريق
في عهدو التيو تاع الغاز لي يروح لاسبانيا يجوز على معسكر و 70 بالمئة من ولاية معسكر ما عندهمش الغاز؟؟؟
في عهدو ربحنا غير العيب و الهم و المشاكل و الميزيرية و مول 20 سنة شعرو شاب و الشيخ مات قبل الوقت
في وقتو شبعنا غبار و الدزاير ولات شونطي كبير و رجعنا قاع زوافرة
في وقتو برك ولينا نحوسو على عشرالاف بالريق الناشف و من الجهة المقابلة جمال بسطرة و لافامي سبانيا يبرحو بالملاين و واحد ما يحاسب
في وقتو برك طوموبيل دير مليار تمشي في الطريق و حبيبنا البارح برك قالك اعطيني 100 الف نكمل بيها الشهر فمن اين جاب البيام الله و رسوله اعلم
في وقتو برك سوفرينا و نسوفريو و مزال نزيدو نسوفريو فتذكرو جيدا بارطاجي باش يوشف قاع الغاشي