أنا هقولك لازم يمشى ليه :

1- لازم يمشى لأنه دخل الجيش قلب سيناء لأول مرة من 35 سنة وده ضايق إسرائيل جدا.

2- لازم يمشى عشان بيدعم حماس والمقاومة ضد اسرائيل.

3- لازم يمشى عشان بيدعم الثورة في سوريا ضد إيران ومصالح الغرب واسرائيل في بقاء بشار وتفكيك سوريا....

4- لازم يمشى عشان بقى ليك إستقلال اكتر ف سياساتك وقراراتك بعيد عن امريكا وبتتجه للصين وروسيا والبرازيل وجنوب افريقيا وكل دول العالم وكنا خلاص هانستغنى عن المعونة الأمريكية اللي بتخلي امريكا تتدخل في شؤونك الداخلية وتملي عليك القرارات.

5-لازم يمشى عشان قال لازم نملك غذائنا ودواءنا وسلاحنا و طبعا مينفعش عشان تفضل تابع للغرب.

6- لازم يمشى عشان عمل تحالف مع تركيا واشترى 10 طائرات بدون طيار من تركيا ودة بيهدد أمن اسرائيل.

7- لازم يمشى عشان مشروع تنمية محور قناة السويس لازم ميكملش بأى شكل من الأشكال لمصلحة اسرائيل ودبي.

8- لازم يمشى لانه دفع ساويرس 7 مليار جنية ضرائب وبيتفاوض مع كل الشركات لتسوية الضرائب وأسعار الأراضى الى سرقوها أيام مبارك.

9- لازم يمشى عشان بدأ يصنع سيارة مصريه وبيطور مصنع الحديد والصلب والألمونيوم واتصنع ف عهدة اول تابلت مصرى صحيح ده انجاز يحسب للقوات المسلحة بس اتعمل في عهد مرسي و بدأ يصنع طائرات بدون طيار وبدأ فى وادى التكنولوجيا فى الاسماعيلية وطبعا الدول الكبرى مش هتسمح ان بلد زى مصر تتطور ف الصناعات الدقيقة دي.

10- لازم يمشي لأن الفساد بدأ يتفكك ويترنح بالمؤسسات وفي طريقه للقضاء عليه.

11- لازم يمشي علشان قضائنا الشااامخ يفضل شامخ على طول.

12- لازم يمشي علشان ترجع أقسام الشرطة مركز لإهانة المصري وضربه وتعذيبه ويرجع الظباط للاتوات وامناء الشرطة لفرض الاتاوة على كل اللي يمر عليهم.

13- لازم يمشى عشان خلال السنة مفيش واقعة فساد مالى أو اخلاقى ليه أو لأحد المسئولين الى معينهم.

14- لازم يمشي لأنه كان بيحاول يخلي مصر زي دول البريكس ( البرازيل وروسيا والهند والصين وجنوب أفريقيا) وهي الدول التي ينمو إقتصادها بشكل كبير واقتربت من الدول العظمى).

15- لازم يمشي لأنه بيحاول يرجع علاقة مصر بدول حوض النيل بعد أن تدهورت في عهد المخلوع.

16- لازم يمشي لأنه خلص مصر من حكم عسكرى دكتاتورى لا تتقدم من خلاله أى دولة.

ضاعت مصر و رجعت تاني لعصر الظلم والاستبداد

17- لازم يمشي لأنه حافظ على الأمن الغذائى طوال عام تخلله القيام بأعمال عنف وحرق وقطع طرق على يد بلطجية وميليشيات البلاك بلوك حاملى المولوتوف والحجارة دعمهم إعلام قوى الفلول والمعارضة بالإشادة بهم واستضافتهم بالبرامج على أنهم ثوار.

18- لازم يمشي لأنه حرص على زيادة انتاج محصول القمح المصرى بنسبة 30% ونهاية مأساة طوابير العيش والاقتتال على أسبقية الحصول على رغيف الخبز وده زعل ماما أمريكا لأنها أكبر مورد للقمح لمصر.

19- لازم يمشي لأنه أنهى ملحمة الحصول على انبوبة البوتجاز ووفرها للمواطنيين بمراكز التوزيع بعد القضاء على متاجرى الأنابيب.

20- لازم يمشي لأنه وقع اتفاق لإنشاء أول مجمع صناعى ألمانى لانتاج الخلايا الشمسية فى مصر باستثمارات تصل الى 2.6 مليار دولار والاتفاق مع روسيا علي تطوير محطات السد العالي لاضافة حوالي 300 ميجا وات لطاقة الانتاج الحالية.

21- لازم يمشي لأنه رجع بورسعيد منطقة حرة تاني.

22- لازم يمشي لأنه أعاد تشغيل مصنع النصر للسيارات لإنتاج السيارات المصرية.

23- لازم يمشي لأنه أعفى 44 ألف فلاح من ديون تقدر بمليار ونصف مليار جنيه.

24- لازم يمشي لأنه وقع اتفاق مع شركة سامسونج العالمية بإنشاء أول مصنع في الشرق الأوسط لصناعة الإلكترونيات بإجمالي استثمارات 9 مليارات جنيه بمحافظة بني سويف.

25- لازم يمشي لأنه وقع اتفاقيات على مشروعات قطرية في مصر بـ 18 مليار دولار سيتم تنفيذها في بورسعيد وساحل البحر المتوسط تتضمن مشروعات سياحية و بناء سفن.

26- لازم يمشي لأنه اتفق علي إقامة مدينتين صناعيتين في السودان باستثمارات مشتركة وزراعة مليون فدان لصالح مصر.

27- لازم يمشي لأنه قرر إنشاء أول مصنع لتدوير القمامة في الدقهلية وآخر في الجيزة بالمنيب.

28- لازم يمشي لأنه افتتح المنطقة الصناعية التركية في 6 أكتوبر والاتفاق مع الجانب التركي علي إنشاء مصنع لتصنيع 30 ألف طن قطن مصري طويل التيلة بدلا من تصديره خاماً

29- لازم يمشي لأنه أراد أن يطور السكة الحديد بعد كثرة الحوادث وسوء القطارات.
30- لازم يمشي لأن في عهده ارتفعت عائدات قناة السويس مليار دولار في الربع الأول فقط من العام المالي المنقضي.

ملحوظة الإخوان بتركيا لم يحققوا النهضة بجعل تركيا واحدة من أكبر الإقتصاديات على مستوى العالم إلا بعد مرور 10 سنوات ...

توته توته خلصت الحدوته ورجع مبارك على أعناق جيشه المقدام !!!

ابو سلمة