بعد فيلم"حادثة الكوغون داغ" سنة 2004 يعود نفس المخرج السنمائي بفيلم جديد تحت عنوان"السيارة المسروقة"...
نعم للاسف الجزائر اليوم بشعبها باتت مسخرة العالم,فمثلا كل يوم في التلفزيون الفرنسي ي ديرو تحريشة جديدة على بوتف أما شعب الجزائر المغلوب على امره راه يحرش بنكاز..

الى متى يبقى الشعب غير مبال بما حوله ؟؟

الى متى نبقى نقول الجملة الشهيرة " نخدم على الخبزة"؟

الى متى نجعل التنكيت هو الحل الوحيد لنسيان الواقع المر؟؟

الى متى نبقى بافكارنا السطحية؟؟

الى متى يبقى الطالب الجزائري المهم يجيب الديس ومايهموش التحصيل العلمي؟؟

يا خاوتي المشكل ليس في النظام وحده المشكل الاكبر فينا نحن..نعم فالنظام الجزائري او بالاحرى العصابة الحاكمة لو لم تجد الظروف الملائمة لما تجدرت في الحكم لو لم تجد فينا من السذاجة والتفاهة لما استمرت في مسرحياتها..

المهم حبيت نقول فقط للسيد نكاز:لسنا من تظننا يا سيدي المحترم ..

حنا نضاربو على جال لاشان تاع الريسطو مي لومفي تلقاه فارغ..

حنا مانطيشوش فلابوبال حنا الشمة نلسقوها فالسقف...

حنا ماشي تاع كي تكون فالترامواي تقرى كتاب حنا نكاليو فالترامواي..

اذا حنا مانصلحوش باش تحكمنا لانك مختلف عنا فكريا..

وفي الاخيرنقولك لمزية اختفت السيارة برك ومااختفيتش انت سلامة راسك welcome in algeria mr nekkaz